Menu
 

Deur ALANI JANEKE
3 Februarie 2010

9665 keer gelees | 2 kommentaar

Vleilande moet beskerm word omdat hulle kan help om ‘n waterkrisis te voorkom, sê adjunkminister van Waterwese en Omgewingsake, me. Rejoice Mabudhafasi.


“Vleilande in Suid-Afrika moet baie versigtig bestuur word aangesien hulle ‘n moontlike waterkrisis in die land kan voorkom”. Dít was die boodskap van me. Rejoice Mabudhafasi, die adjunkminister van Waterwese en Omgewingsake, tydens die nasionale vieringe van Wêreld-vleilanddag in Pretoria.

Mabudhafasi sê al is vleilande uitdagend wat ontwikkeling en instandhouding betref, maak hulle ‘n belangrike deel van die land se natuurlike infrastruktuur uit en moet hulle beskerm word. Sy sê Suid-Afrika is ‘n waterskaars land, en vleilande kan ‘n belangrike rol speel as die klimaat weens aardverwarming droër sou word en watertekorte ervaar kop uitsteek.

Suid-Afrika het meer as 115 000 vleilande, en 60% van hulle is reeds beskadig, vertel Mabudhafasi. “Die meeste van die skade is deur mynbedrywighede en behuising aangerig”. Sy het haar kommer uitgespreek oor die moontlikheid dat nog steenkoolmyne op vleilande opgerig kan word.

“Die departement is bekommerd oor die groot klomp aansoeke wat vir steenkoolmyne op vleilande ontvang is. Ons hoop dat die ander regeringsdepartemente die omgewing in ag sal neem wanneer hulle die aansoeke oorweeg”.

Bedreig deur landbou?

Volgens Mabudhafasi het die landbou ook ‘n ongunstige uitwerking op vleilande en hul voortbestaan. Sy sê daar is sommige boere wat vleilande misbruik en nie besef watter uitwerking dit op die omgewing het nie.

“Ons moet egter ook besef dat ons boere nie net kan verbied om enigsins in die gebiede te boer nie. Dit sal lei tot laer produksie, wat ‘n uitwerking op voedselsekuriteit en voedselpryse aan verbruikers sal hê”.

Sy het haar daartoe verbind om aansoeke vir ontwikkelingsprojekte op vleilande baie versigtig te oorweeg en slegs toe te staan as sy oortuig is dat dit nie skade aan die omgewing sal veroorsaak nie.  

Munisipaliteite moet verantwoordelikheid neem
Mabudhafasi meen munisipaliteite moet hul verantwoordelikheid om die omgewing te beskerm ernstig opneem. Sy sê aangesien baie vleilande in landelike gebiede geleë is berus dit by munisipaliteite om dié gemeenskappe aan te moedig om vleilande te beskerm en bewaar.

Sy het munisipaliteite ook gekritiseer oor hulle laksheid ten opsigte van omgewingsbewaring. “Hoekom hou ons kongresse om die mense op te lei, maar as ek by ‘n munisipaliteit kom is daar nie ‘n portefeuljebestuurder vir omgewingsbewaring nie? Is die mense net by die kongresse vir die pret daarvan?”

Mabudhafasi sê sy is seergemaak hierdeur, en sy is van plan om dit aan te spreek.

3 Februarie 2010
 


Kommentaar
Slegs in Afrikaans


Lewellyn Moolman

2011/05/20 10:55:08 AM

In Ermelo spoel rou riool vir ten minste die afgelope jaar in die Vaalrivier, massas bloed stroom gereeld by mangate uit en in Ermelo se damme en riviere in en ons word deur verlate myne vergiftig - all in a day's work!


Gielie Fourie

2010/12/06 10:45:56 PM

In Ventersdorp het die munisipaliteit se riooldam gebreek en al die riool het in die Elandskuildam beland waaruit ons besproei.Daar is ook 'n rioolpompstasie wat nie werk nie en hierdie riool beland in die Schoonspruit wat na Klerksdorpdam toe vloei.Dept Waterwese weet van die probleme vir meer as 3 maande maar stel nie eers belang om te kom ondersoek instel nie. Ons vermoed dat die boorgate nou besoedel word. By wie kan ons nou aanklop vir oplossings

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 08/04/14 15/04/14 %
Beesvleis A2/A3 3415c 3422c down 0.2
Speenkalf (lewend) 1723c 1719c down -0.2
Skaapvleis A2/A3 4638c 4636c down 0
Varkvleis (gem. prys) 2136c 2119c down -0.8
Braaikuikens 1712c 1721c down 0.5

Aandele

  • Namibiese Elite-koei: Bonsmara

    Funksioneel doeltreffende diere wat oral in alle toestande kan produseer, is die doelwit van mnr. Edward Hansen van Okahandja.

  • Sussex se Elite-koeie

    Met sý Sussex-beeste moet kommersiële boere op die veld wins kan maak, sê mnr. Chris Nel van Petrus Steyn.

  • Beefmasters se Elite-koei

    Mnr. Piet Human van Steynsrus se Beefmasters is die resultaat van die familie wat al 150 met beeste in die Vrystaat boer.

  • Drakensbergers se Elite-koei

    Jou oë kan vir jou jok, maar nie syfers nie, sê mnr. Edwin Schroeder van Dundee, eienaar van die Elite-koei in die Drakensberger-ras.