BKB, Agri Mega bou veesentrum

Agri Mega-park gaan binnekort ’n nuwe veesentrum ryker wees ná die ondertekening van ’n ooreenkoms tussen Agri Mega en BKB. Die nuwe BKB-veesentrum sal 5 000 vierkante meter beslaan en sal gedurende Agri Megaweek en vir veilings en ander geleenthede benut word.

Mnre. Henk Aggenbach, voorsitter van Agri Mega se direksie, en Wolf Edmayr, uitvoerende hoof van BKB, het die ooreenkoms onderteken. Bouwerk sal binnekort begin. Mnr. Orton King, uitvoerende direkteur van Agri Mega, sê daar is groot waardering vir BKB se bydrae tot die landbou.

Tydens die ondertekening van die ooreenkoms is ’n nuwe toerisme-roete deur Kaap Agulhas Toerisme bekend gestel. Die BKB Agri View-roete is op die voormalige wolroete geskoei, sê me. Angela Millar, hoof van Kaap Agulhas Toerisme, en bied besoekers ’n verkeidenheid landbouverwante toeriste-attraksies.

12 Oktober 2009