BKB wil OVK-aanbod blok

BKB wil die aanbod wat OVK aan SAMB-aandeelhouers gemaak het om beheer oor CMW te verkry, blokkeer.

Mnr. Chris Louw, die voorsitter van die direksie van BKB, sê sy maatskappy is heeltemal tevrede met die vordering om prokurasies vir aandele wat deur SA Mohair Brokers (SAMB) gehou word, te bekom. “Ons glo dat die mikpunt om minstens ‘n 26% stemreg te kry vir die 14,8 miljoen aandele wat deur SAMB besit word, voor die keerdatum van 4 Desember bereik sal word.”

Louw het aan Landbouweekblad bevestig dat BKB die aanbod wat OVK aan SAMB aandeelhouers gemaak het om beheer oor CMW te verkry, wil blokkeer. “Ons doen dit nié omdat ons mededinging die mark vrees nie, maar bloot om te verseker dat ‘n bate wat aan die sybokhaarbedryf behoort, nie uit hulle hande glip nie.”

Louw het toegee dat BKB se toetrede tot die stryd om beheer oor CMW te verkry, heelwat verwarring onder aandeelhouers geskep het.

26 November 2009