Broodkartel: Pioneer-saak hier

Die saak oor beweerde kartelbedrywighede met brood teen Pioneer Foods begin op 17 Junie.

Dié saak van die Mededingskommissie teen Pioneer Foods dien van 17 Junie tot 30 Junie voor die Mededingingstribunaal, luidens 'n verklaring wat deur die tribunaal uitgereik is.

Die klagte is dat Pioneer Foods deel was van 'n broodkartel wat betrokke was met prysvasstelling, die vasstelling van datums van prysverhogings en dat markte verdeel is, wat teenstrydig is met die Mededingingswet.

Twee ander maatskappye is aanvanklik ook by die klagte van kartelbedrywighede betrek. Tiger Foods het reeds 'n boete van R98 miljoen betaal en Foodcorp het 'n boete van R45 miljoen betaal. Pioneer Foods ontken dat hy in 'n broodkartel bedrywig was.

11 Junie 2009