Clover vra beskerming

Die melkverwerker Clover het by mnr. Mandisi Mpahlwa, Minister van Handel en Nywerheid, aansoek gedoen om beskerming vir die melkbedryf teen reëls rakende mededinging omdat dié bedryf swaar trek. As dié aansoek toegestaan word kan die melkbedryf van mededingingswetgewing vrygeskeld word.

Die Mededingingskommissie het Clover en vier ander melkverwerkers ondersoek vir prysknoeiery. Mnr. Manie Roode van Clover blameer die bedryf se probleme op deregulasie. Suid-Afrika is een van drie groot gedereguleerde suiwelmarkte in die wêreld, maar ding met ander lande mee waar regerings hul melkbedrywe deur subsidies en die opkoop van oortollig voorraad steun.

Clover het vir 'n onderskeiding aansoek gedoen. Dit is 'n bepaling van die Mededingingsgwet wat toelaat dat 'n bedryf aansoek kan doen vir vrystelling van mededingingswetgewing as die betrokke bedryf se ekonomiese standvastigheid bedreig word.

Die aansoek is omstrede weens die saak rakende prysknoeiery teen Clover wat in Februarie volgende jaar deur die Mededingingstribunaal aangehoor sal word. Clover meen dat die deel van inligting en volumebeheer, wat as vorms van prysknoeiery gesien word, stappe was om oortollige voorrade melk te beheer en die bedryf stabiel te hou.

Die maatskappy hou vol dat sy werksaamhede akkoord hou met die Departement van Handel en Nywerheid se bloudruk om wisselings in produksie meer eweredig te maak en 'n standvastige bedryf te skep.

Bron:

Business Day

4 Desember 2008