Diensplig vir veeartse!
Veeartse moet verpligte gemeenskapdiens van ‘n jaar lewer nadat hulle afgestudeer het.
Die Kabinet het die wysigings op die Wet op Veterinêre en Para-veterinêre Beroepe goedgekeur sodat veeartse verplig sal word om ‘n jaarlange gemeenskapsdiens te lewer.
Die wysiging van dié wet 19 van 1982 sal help om die tekort aan staatsveeartse, veral in landelike gebiede, op te los.
Van die sowat 3 000 geregistreerde veeartse in die land, is sowat 10% in die landelike gebiede is. In Suid-Afrika is tans slegs sowat 247 staatsveeartse in die land.
Geld beskikbaar gestel
Die Departement van Landbou, Visserye en Bosbou het altesaam R80 miljoen vir die huidige boekjaar en R120 miljoen vir die daaropvolgende jaar begroot om te verseker dat die indiensnemingsprogram suksesvol is.
Huidige studente in veeartsenykunde sal nie verplig word om diens te doen nie. Slegs studente wat in 2012 in dié rigting begin studeer, sal geraak word.
Hulle sal strategies in die land geplaas word, veral in die landelike gebiede waar ‘n groot tekort aan veeartse voorkom, het me. Tina Joemat-Pettersson, Minister van Landbou, Visserye en Bosbou, vroeër gesê.
Die SA Veeartsenykundige Raad (SAVR) en kleinskaalse boere het hierdie planne van die departement verwelkom, want met meer veeartse sal beter voedselveiligheid en siektebeheer toegepas kan word.
8 September 2011
- 1073 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Die 100 veeartse wat per jaar afstudeer gaan nou almal in Staatsveeartsposte aangewend word. Gaan hulle kliniese dienste verrig gaan hulle medisyne nodig he en fasiliteite goedgekeur deur die SA Veeartsraad - wie gaan betaal daarvoor - Gaan hulle beheerde siektes hanteer - 100 veeartse daarvoor is bietjie baie hoe salarisse vir iets wat deur 'n tegnikus ook gedoen kan word of benodig hul penpushers wat vorms teken - been there done that - daar gaan 100 veeartse wees wat vir 'n jaar gefrustreerd gaan sit in 'n staatskantoor sonder die nodige finansies om hul werk met oorgawe te doen - Maak 'n Staatsveearts se werk meer klinies en wetenskaplik vooruit dan sal hul dalk meer mense trek . Veeartse is kliniese medici en nie daar om Administrasie op datum te bring en te hou nie.
Lewer kommentaar. (Jy hoef nie ingeteken te wees nie.)