Dieremishandeling in Richtersveld?
Die voorsitter van die Port Nolloth Richtersveld Shelter Animal Protection Foundation gaan aan die Dierebeskermingsvereniging (DBV) aanbeveel om dieremishandeling op van die plase van die Richtersveld Landbouhouersmaatskappy te ondersoek.
Me. Ria Potgieter, voorsitter en direkteur van dié organisasie, sê sy het twee van die maatskappy se plase besoek en sy is glad nie tevrede met die toestand van die diere nie.
Die maatskappy bestuur onder meer vyf plase wat as deel van ‘n grondeis aan die gemeenskap van die Richtersveld oorhandig is. Die plase, asook ander eiendom, is sedert 2007 in die gemeenskap se besit.
Dunvlei se beeste het nie voer nie
Potgieter sê sy moes spesifiek kyk of daar voer vir die diere by die melkstal op die plaas Dunvlei was, maar voeg by dat sommige van die diere op die plaas in goeie toestand is. Potgieter sê van die diere was in ‘n goeie toestand, maar ander was baie maer.
Sy sê daar word glo ook melk aan mense op die plaas uitgedeel, terwyl daar ‘n kennisgewing hang wat sê dié melk is nie geskik vir gebruik deur mense of diere nie.
Beauvallon het ook probleme
Op Beauvallon, die tweede plaas wat Potgieter besoek het, het die diere glo ook nie kos nie. Sy sê op 183 beeste word in een kamp op die plaas aangehou.
Potgieter sê in die volstruiskamp was daar ook nie voer nie. Sy sê ‘n volstruis het blykbaar vroeër die week gevrek, maar die karkas is net so tussen die ander gelos. “Daar moet iewers ‘n groot skroef los wees, want een van die werkers sê strandwolwe het blykbaar al 70 volstruise gevang. Hoekom word daar nie behoorlik na die diere gekyk nie?“
Nie bewus van mishandeling nie
Intussen sê Uys hy is nie bewus van dieremishandeling op dié plase nie. “Ons het al verskeie bewerings van mishandeling op die plase gehad, dis niks nuut vir my nie.” Hy sê hy is die maatskappy se tussentydse bestuurder vir die plase.
Hy het ‘n verslag aan landbou.com voorsien waarin ‘n staatsveearts bevestig dat die diere se toestand tussen Maart en November verlede jaar verbeter het. Daarvolgens sê dr. C. Schutte, ‘n staatsveearts van Springbok, die diere moet daagliks ten minste een keer gemelk word om mastitis te voorkom.
Die veearts sê daarin ook duidelik dat die diere se melk nog nie aan wetlike standaarde vir verkoop aan mense voldoen nie, en dat gereelde verslae hieroor aan die veearts gestuur moet word.
Uys sê hulle verwag binnekort weer ‘n besoek van ‘n staatsveearts: “Ek is self nuuskierig om te sien of die diere verbeter het.” Volgens Uys het Schutte die staat se diens verlaat en is hulle nie seker watter veearts hulle gaan besoek nie.
16 Februarie 2010
- 2233 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
ek het groot geword alexander baai, my kindertyd op dunvlei deurgebring. in 1985-1995 was daai melkery met beeste en al van die beste kwaliteit in die land. jammerte dit was gewoontlik bestuur deur mense wat geen ondervinding van boerdery gehad het nie. jy kan sien van dat die hongerhonde oorgevat het nou word alles deurgetrek. ek het groot liefde vir die groot drie. die toestand van die plase is n voorbeeld van hoe die cpa gerun word. as daai plase reg gerun word kan dit ontwikkel. ek boer nou self en dit is n skill with a bit of luck. dinge moet reg loop of jy sien jou gat sonder n spieel. almal wil boer, maar almal kan nie boer nie. enige bobbejaan kan n trekker bestuur.j y moet kan beplan. its not happenning is it? tragies
hoe doen jy so iets aan diere
Hierdie is niks nuut nie. Daar was sedert die oorname van die CPA nog geen behoorlike bestuur nie. Sover ek weet is daar net drie gekwalifiseerde ladboukundiges in die Richtersveld en nie een van hulle is in die diens van die CPA of Alexkor nie. Waar het Marius gewerk en wat se kennis het hy? Ek weet hoeveel volstruise al dood is as gevolg van nalatigheid en foutiewe voer of geen voer vir dae aaneen nie. Die melkkudde was op 'n stadiumm so maer dat dit gelyk het soos 'n klomp kapstokke. Dit is hoog tyd dat daar ondersoek gedoen word en persone hiervoor verantwoordelik aangekla word.
Die CPA maak almal en alles in die Richtersveld arm en bankrot, hulle sal sorg dat al die plase vernietig word. Net die CPA word ryk en die gemeenskap is honger.
Marius weet nie hoe om te boer nie! Bring vir Jolande terug, sy kan en wil boer!
Marius Uys is totaal onbevoeg om hierdie plase te bestuur, hy stel eenvoudig net nie belang nie. Hy spandeer al sy tyd in die CPA kantoor op Alexander Baai. Die CPA boer asof hulle graag die plase bankrot wil he.Die regering behoort hier in te gryp!
Lewer kommentaar. (Jy hoef nie ingeteken te wees nie.)