Droogtehulp vir Suid-Kaap

Die Wes-Kaapse departement van landbou sê hy sal die vervoerkoste van boere dek wat voer aan hul eweknieë in die droogtegeteisterde Suid-Kaap wil skenk. Dié omgewing gaan gebuk onder die ergste droogte in 132 jaar.

Mnr. Gerrit van Rensburg, Wes-Kaapse minister van landbou, sê dié stap is nie verbind aan die nasionale Regering se program vir ramphulp nie. Hy meen dit moet eerder as ‘n “Kersfees-gebaar” gesien word van sy departement aan Suid-Kaapse boere gesien word, luidens ‘n berig van Southafrica.info.

Die departement vra dat skenkers van hul eie vervoerkontrakteurs of –metodes gebruik maak waarna hulle se volgens Outomobiel Assosiasie (AA)-tariewe vergoed sal word. Boere wat voer kort en diegene wat voer wil skenk kan met die Wes-kaapse departement van landbou, Agri Wes-Kaap of die Melkprodusente-organisasie (MPO) in verbinding tree.

Bron:
Southafrica.info

6 Januarie 2010