Eskom: Nersa besluit in 2010

Die Nasionale Energiereguleerder (Nersa) sê hy sal teen Februarie volgende jaar oor Eskom se voorgestelde tariefverhoging besluit.  Die energieverskaffer doen aansoek om ’n verhoging van 45% per jaar oor die volgende drie jaar of ’n prysverhoging van 146% vir volgende jaar en 12% vir twee jaar daarna, luidens ’n berig op Fin24.com.

Dié aansoek is deur die Vryheidsfront Plus as “absurd” beskryf. Mnr. Johannes Möller, voorsitter van Agri SA, het daarop gewys dat só ’n verhoging Suid-Afrika se voedselsekerheid sal knou. Nersa sê hy sal van 20 tot 22 Januarie openbare verhore in Gauteng hou na aanleiding van die publiek se reaksie op Eskom se aansoek.

Eskom se nuwe prysplan sal, indien goedgekeur, vanaf April aanstaande jaar toegepas word. Nersa sal op 24 Februarie sy besluit neem.

Bron:
Fin24.com

16 Oktober 2009