Gee gereeld kalk

Die toedien van kalk om die grond se vrugbaarheidspotensiaal te ontsluit, is op lang termyn voordelig en boere moet sorg dra dat hulle die grondsuurheid (pH) en suurversadiging op die gewenste vlakke hou, sê dr. Pieter Haumann, voorsitter van die MVSA se kalkkomitee en hoofbestuurder van Grasland Ondernemings.

Die riglyn is 'n pH van ongeveer 5 (KCL) en suurversadiging minder as 5 %. Ongelukkig kos dit boere baie geld om groot hoeveelhede kalk toe te dien. Daarom is dit beter om eerder gereeld kalk te strooi sodat die grond nie tot onaanvaarbare vlakke versuur nie.

Hoewel alle voedingstowwe belangrik vir gewasse is, is fosfaat uiters belangrik wanneer kalk toegedien word. Die grond kan net voordeel uit kalk trek as die fosfaatvlak hoog genoeg is.