Geld vir Rooibos-navorsing

Meer as R2 miljoen sal aangewend word vir die onafhanklike navorsing oor kenmerke, toepassing en die produksie van rooibostee.

Die SA Rooibosraad het sowat  R975 000 uit die sak gehaal om twee bestaande en vier nuwe navorsingsprojekte te finansier. ’n Verdere R1,2 miljoen is reeds vir produksie-navorsing aangewend. Dit sluit in navorsing oor plantverbetering, geïntegreerde pesbeheer en organiese verbouingspraktyke.

Volgens mev. Mientjie Mouton, produknavorsingsdirekteur, bestaan ’n behoefte aan betroubare inligting en wetenskaplike bewyse wat stukrag kan gee aan die gesondheidsaansprake wat rooibos maak.

Die nuwe projekte ondersoek die invloed van rooibos op stres, rooibos en oefening, die higiëniese verwerking van rooibos en bepaal die presiese inhoud van ’n koppie rooibostee.

Die bestaande projekte fokus op die kankerwerende kenmerke van Suid-Afrikaanse kruietees en die die skep van onafhanklike gehalte-parameters vir rooibos. 

25 Augustus