Jy is hier: Nuus / Nuus-artikel / Gesprekke-tussen-sagtevrugtebedrywe-lnr-vorder

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Gedeeltelik bewolk
Hoog:20 C
Laag:9 C

Sonsopkoms: 7:38

Sonsondergang: 17:46

Kaapstad

Bygewerk:	26 May 14:00 IDT
Temp:
Druk:
Doupunt:
Humiditeit:	68%
Wind:

Kaapstad

Peiling

Gesprekke tussen sagtevrugtebedrywe, LNR vorder

Johan Coetsee

Die eerste ronde gesprekke tussen die Sagtevrugte-produsentetrust (SPT), die Inmaak-produsentevereniging (IPV) en die Droëvrugte Tegniese Dienste (DTD) in die Paarl met die topbestuur van die Landbounavorsingsraad (LNR) het taamlik bevredigend afgeloop. Die wynbedryf via Winetech was ook by die gesprek betrokke.

Mnr. Anton Rabe, hoof uitvoerende beampte van die SPT, sê die gesprek is tussen die rolspelers gereël nadat die produsentegroeperings in die sagtevrugtebedryf aangekondig het dat hulle geen projekte by die LNR sal finansier solank hulle nie inspraak in die bestuur van projekte en mede-eienaarskap van die resultate van sulke projekte, verkry het nie. Verskeie gesprekke is vroeër eensydig gekanselleer, wat produsente gefrustreer het.

Daar is op verskeie punte op stappe ooreengekom om die probleme wat die bedryf met die LNR ondervind, aan te pak. Dit sluit die volgende in:

Verbeterde en meer gereelde kommunikasie tussen die partye sowel as halfjaarlikse vergaderings met die hoofbestuur van die LNR .

'n Onderneming van die LNR om sy interne kommunikasie te verbeter.

Gesamentlike aksies om die finansiering van navorsing te stabiliseer en om 'n beter nasionale bedeling vir landbounavorsing te verseker.

'n Nuwe beleid met betrekking tot intellektuele eiendom en mede-eienaarskap van navorsingsresultate, produkte en prosesse.

Dat die LNR die bedrywe sal betrek in sy strategie met betrekking tot menslike hulpbronontwikkeling en vergoeding om te verseker dat kapasiteit en kundigheid, wat spesifiek vir die sagtevrugtebedryf belangrik is, gehandhaaf en opgebou word.

Die produsentegroep het onderneem om die kwessie oor 'n regverdiger toedeling van beskikbare geld tussen bedrywe via die georganiseerde landboustrukture op te neem en om alles in sy vermoë te doen om te verseker dat die voortgesette mededingendheid van die sektor deur uitnemende navorsingstrukture verseker word.