Ghaddafi soek óók SA boere

Toe hy sy selfoon die oggend aansit, was daar ’n boodskap van die Libiese ambassadeur dat kol. Moeammar Ghaddafi van Libië met Agri SA oor die ontwikkeling van 82 000 hektaar vrugtebome wat klaar geplant is, wil praat.

Dr. Theo de Jager, ondervoorsitter van Agri SA, het dié inligting bekend gemaak toe hy die eerste keer ’n kongres van Agri Oos-Kaap bygewoon het. Die Wêreldbank se raadgewers het voorgestel dat Ghaddafi die Chinese en Koreane nader om hom daarmee te help.

Ghaddafi se antwoord was dat hy niemand buite Afrika soek nie en dat hy die nodige kundiges op die vasteland gaan vind. Volgens De Jager is Libië tans die 12de land in Afrika wat voelers na Agri SA uitgesteek het om landboukundigheid te lok.

Hoewel hy heelhartig saamstem dat Suid-Afrikaanse boere nie “uitgevoer” moet word nie, meen hy tog dat hulle aangemoedig kan word om hul grond te behou en terselfdertyd hul belange oor Afrika-grense heen op ’n satellietgrondslag uitbrei.

Lees meer in Landbouweekblad se uitgawe van 14 Augustus 2009.

7 Augustus 2009