Menu
 

JAN CILLIERS
23 Januarie 2003

2678 keer gelees | 1 kommentaar

Die meeste grondeise wat ontvang is tot einde 1998, voor die afsnydatum vir die indiening daarvan, is vir alle praktiese doeleindes geldig verklaar. Daar kan nou voortgegaan word om dié eise te verwerk.


Die meeste grondeise wat ontvang is tot einde 1998, voor die afsnydatum vir die indiening daarvan, is vir alle praktiese doeleindes geldig verklaar. Daar kan nou voortgegaan word om dié eise te verwerk.

Me. Thoko Didiza, Minister van Landbou en Grondsake, het in Pretoria gesê 35 294 van die 37 838 grondeise, 'n totaal van 93 %, is geldig verklaar. Die 2 544 eise wat nog uitstaande is, kon nie geldig verklaar word nie weens 'n gebrek aan stawende inligting of omdat die eisers nie opgespoor kon word nie.

Die grondeise wat nie geldig verklaar kon word nie, sal in die grondhervormingsprogram opgeneem word.

Me. Didiza het gesê die Belgiese regering het meer as R13,2 miljoen geskenk om eise geldig te laat verklaar. Die Departement van Grondsake se bydrae was R5 miljoen. Altesame R4 358 250 van die totale bedrag is nog oor.

Die kommissie vir grondeise in Gauteng het al 3 248 eise wat ontvang is, afgehandel. In Noordwes moes die kommissaris einde Desember nog tien uitstaande eise afhandel, terwyl die Vrystaat nog 20 moet deurwerk. Die Wes- en Noord-Kaap het elk nog 167 grondeise om af te handel, in die Oos-Kaap is daar nog 352, Mpumalanga het 435 en die provinsie Limpopo het 464. KwaZulu-Natal se kommissaris sukkel nog met 948, waarskynlik omdat die meeste grondeise, 'n totaal van 12 082, in dié provinsie ontvang is.

Die Wes-Kaap het 8 356 eise ontvang, in Limpopo is daar 3 764, Mpumalanga het 3 266, Gauteng het 3 248, in die Noord-Kaap is 2 773, daar is 2 164 in die Oos-Kaap, Noordwes het 1 374 en die Vrystaat het 811 eise.

Ál die eise sal in die Staatskoerant gepubliseer word, waarna almal wat geraak word, kommentaar daarop kan lewer of beswaar daarteen kan maak.

31 Jan. 2003


Kommentaar
Slegs in Afrikaans


P van Rensburg

2013/12/31 11:23:14 AM

Ek is van die Postmasburg in die Noord Kaap. Die Personeel van grondeise was 'n paar maande gelede in Postmasburg. Hulle het gesê hulle is hier om mense se eise te doen wat uit Maranteng gesit is. My ouers het ook gegaan om aansoek te doen maar ons eis is sumier afgekeer. Hulle se hulle eht 'n mandaat om net mense te help wat 1966 uitgesit is. Die probleem is ons was geklasifiseerd as kelurlinge en op daai stadium is sleg die swart mense uitgesit na Boichoko. Die Keurlinge is eers in 1980 geskuif na Postdene. Die grondeiese personeel sê dit was nie 'n 'force removal'. Ek was egter daar, ons het die Saterdag geskuif na Postdene en die die volgende week toe is ons huis gestroop plat geslaan. Baie van Postdene se mense het toe hul uitsetting gegee as 1966 omdat hulle deel wil wees van die uitbetaling. Kan iemand my help in die verband. Baie dankie Philip van Rensburg 0799060069

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 15/04/14 22/04/14 %
Beesvleis A2/A3 3446c 3452c down 0.2
Speenkalf (lewend) 1719c 1726c down 0.4
Skaapvleis A2/A3 4709c 4730c down 0.4
Varkvleis (gem. prys) 2132c 2119c down -0.6
Braaikuikens 1721c 1729c down 0.5

Aandele