Hofsaak: Senwes wen oor aandele
Die Hooggeregshof van Noord-Gauteng het vandag (31 Januarie) bevind dat die Treacle Fund II se regsaksie teen Senwes nie geslaag het nie.
Treacle, ʼn minderheidsaandeelhouer in Senwes, het dié aansoek in Julie 2010 geloods teen die landboubesigheid en sy houermaatskappy, Senwesbel. Daar is beweer dat sekere historiese aandeletransaksies van Senwesbel ingevolge waarvan Senwes-aandele verkry is, ongeldig was. Die hof is versoek om dit tersyde te stel en dat die aandele aan die oorspronklike aandeelhouers terugbesorg moes word.
Indien die aansoek sou slaag, sou Senwes die aandeleregister moes regstel. Regter Rabie het egter bevind dat daar geen feitelike basis vir die bewerings was nie en dat die aandeletransaksies heeltemal geldig was. Treacle is ook gelas om Senwesbel en Senwes se regskoste te betaal.
"Hoewel Treacle teen die bevinding kan appelleer, is ons tevrede met die hof se bevinding, veral nadat Treacle en negatiewe mediaberigte die uitkoms van die saak probeer vooruitloop het," het mnr. Francois Strydom, Senwes se besturende direkteur, gesê. Hy het daarop gewys dat Senwes nou kan fokus op die strategie en groei van die besigheid.
31 Januarie 2012
- 544 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Pas gelees
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Nog 'n stappie nader aan die harde werklikheid. Die Hooggeregshof sal nou sy kans kry op hierdie onsinnige fete. Treacle se aansoek om appél is soos verwag, toegestaan.
Kom ons wag vir die hersiening op die harde feite, dit gaan baie interessant wees. Indien Senwesbel minderheidsaandeelhouers dividende wou hê soos die suggestie is, daardie dae is vir baie lank verby en die regskoste is nie die oorsaak nie. Die aandele wat vanaf die Bafokeng teruggekoop is teen 'n hoër prys as wat dit in 'n baie lang tyd weer sal verhandel is die oorsaak. Die skuld moet gediens word en aandeelhouers het dit moes goedgekeur. Hoekom nou wonder oor dividende. Die sakevernuf van jul direksie het julle in hierdie pannarie in.
Die kommentare klink tot dusver na suur druiwe. Die ouens het maar net n kans gevat om hulle eie agenda te dryf ten koste van die boere- om nie eers te praat van die miljoene se kostes wat eerder as dividends na die aandeelhouers toe kon gaan nie. Net op harde feite was die saak gewen!
Onbekende besoeker - as die Regter gedwaal het, het die advokate nagelaat om al die feite en argumente aan hom voor te lê ?
Indien jy die volledige uitspraak lees en besef hoeveel dwaling, ignorering van feite en vooroordele dit bevat, behoort Senwes werklik bekommerd te wees. Die aankondiging van 'n oorwinning na 'n goeie uitspraak is riskant, in hierdie geval nie baie slim nie. 'n Mens besef dat dit moeilik moet wees om anders te reaggeer maar die uitspraak kan onmoontlik bly staan en sal heel waarskynlik nog sy nagevolge hê.
Lewer kommentaar. (Jy hoef nie ingeteken te wees nie.)