Invoertaks kan uitvoer aanmoedig

Die verhoging van invoertariewe in sommige bedrywe kan gebruik word om uitvoer aan te moedig, sê mnr. Johannes Möller, voorsitter van Agri SA. Hy het gereageer ná die nuwe handelsbeleid van die Departement van Handel en Nywerheid bekend geword het.

Dié verslag, wat deur die dagblad Business Day bekend gemaak is, stel voor dat handelswerktuie gebruik moet word om Suid-Afrikaanse boerderyprodukte mededingender in die wêreldmark te maak. Dit dui aan die Regering oorweeg die instelling van uitvoerbelasting en die verhoging van invoertariewe op landbouprodukte om die plaaslike landbou te steun.

Möller sê die verhoging van invoertariewe is ’n vereiste vir voedselsekerheid en landelike ontwikkeling. Hy het egter begrip daarvoor dat ontwikkelde lande hul boere subsidies gee. Die tariewe vir Suid-Afrika sal só moet wees dat dit die subsidies van die boere in ontwikkelde lande teëwerk. Hy meen dat dit moeilik sal wees om die regte vlak van tariewe vas te stel.

Lees meer in Landbouweekblad se uitgawe van 28 Augustus 2009.

24 Augustus 2009