In teenstelling met die Australiese mark waar pryse aanmerklik gedaal het, het verlede week se klein aanbod plaaslike pryse 'n hupstoot gegee. Cape Wools se markaanwyser het 1,7 % hoër op R37,40/kg (skoon) gesluit. Dit is 57 % hoër as die openingsvlak en 51 % hoër as op dieselfde veiling verlede se
In teenstelling met die Australiese mark waar pryse aanmerklik gedaal het, het verlede week se klein aanbod plaaslike pryse 'n hupstoot gegee. Cape Wools se markaanwyser het 1,7 % hoër op R37,40/kg (skoon) gesluit. Dit is 57 % hoër as die openingsvlak en 51 % hoër as op dieselfde veiling verlede seisoen.
Kopers sê in die lig van die sterker rand en die feit dat die Australiese mark aan die daal is, kan die styging slegs aan die klein aanbod toegeskryf word. Dit het beteken dat uitvoerders wat bestellings moes uitvoer en verwerkers wat wol vir hul meulens benodig het, sterk moes meeding om die 3 939 bale, die kleinste aanbod dié seisoen.
Die grootste styging is in die 19 mikronkategorie aangeteken wat met gemiddeld 17 % gestyg het. Van die sterker kategorieë het ook goeie stygings getoon.
Gemiddelde prysbewegings was: 19 mikron styg met 17,8 % tot R67,85/kg, 20 mikron met 2,6 % tot R53,86/kg, 21 mikron sluit onveranderd op R51,42/kg, 22 mikron styg met 0,9 % tot R50,69/kg, 23 mikron met 2,6 % tot R51,27/kg en 24 mikron met 1,5 % tot R50,56/kg. Daar was geen kwotasies vir 25 mikron nie.
