Koeie met vuvuzela’s geroep

Die vuvuzela word nie net meer by sokkertoernooie geblaas nie, maar word ook gebruik om koeie te roep.

Mnr. Mark Smit van Peize in Nederland, gebruik die vuvuzela om koeie van die veld te roep om voor hom te staan.

Die vuvuzela het bekendheid onder buitelanders verwerf gedurende die Wêreldbeker-sokkertoernooi waar dit tydens wedstryde geblaas is.

Smit se ma dink dit is nuuskierigheid wat die koeie nader trek. “As jy kyk hoe hulle hul koppe hou, lyk dit asof hulle wil luister. Daar gebeur iets met die koeie wat maak dat hulle hierop reageer.”

Sy dink dit kan dalk die toon van die vuvuzela wees.

Klik hier om die video te kyk.

Bron: www.boerderij.nl

31 Augustus 2010