Kommissie bekyk silobedryf

Al die land se grootste silo’s word sedert 17 Maart deur die Mededingingskommissie vir moontlike ongerymdhede ondersoek. Dié silo’s was voorheen almal deur koöperasies besit.

Me. Nandi Mokoena, bestuurder van strategiese en belanghebbende verhoudinge by die  kommissie, het dit bevestig. “Ons het verlede jaar heelwat inligting verkry deur ons ondersoeke na die voedselwaardeketting. Sommige van dié inligting dui daarop dat daar moontlike onmededingende praktyke in die silobedryf kan wees.”

Die ondersoek kyk spesifiek of voormalige koöperasies se silo’s saamspan oor die bepaling van silotariewe en of hulle nie oordrewe opbergingstariewe geëis het nie.

Lees meer in Landbouweekblad se uitgawe van 10 Julie 2009.

3 Julie 2009