Radio Pretoria se Landboukorrels-boeredag vind vanjaar op 9 Oktober op die Cullinan Boere-unieterrein plaas.  Dié boeredag is oorspronklik deur mnr. Willem Thomson, wat Radio Pretoria se landbouprogram voor sy dood aangebied het, begin. 

Mnr. Henk van de Graaf, die TLU SA se assisent-hoofbestuurder van kommunikasie, meen sedert hy en me. Annemarie Joubert, van Radio Pretoria, die program voortgesit het, het die boeredag nog groter geword. Die fokus van die boeredag is op die kleiner boere wat byvoorbeeld op hoewes boer. 

Daar sal ook meer as genoeg pitkos vir die kommersiële boer wees.  "Daar word ook gepoog om stadsjapies op die dag nader aan die plaasjapies gebring," het Van de Graaf gesê.
 
Van die onderwerpe wat bespreek gaan word:
 

• Kan 'n mens met 50 varke boer?

• Hoe verkoop ek nou my kaas?

• Gesonde gras,

• Gesonde grond, en

• Waarna kyk jy as jy 'n bees koop?

 
Die koste is R150 per persoon of R200 per egpaar.  'n Ete word daarby ingesluit.  Bespreek by Lynette, tel. 012 804 8031.  Bel Annemarie by 083 252 9779, Wannie by 083 442 5414 of Henri by 082 552 9428 vir meer inligting.

29 September 2009