LBK hou kongres

Verskeie uitdagings in die landbou-waardeketting is op die sakelys wanneer die Landboubesigheidskamer (LBK) se tweejaarlikse kongres op 2 en 3 Junie in Somerset-Wes plaasvind.

Suid-Afrika se landbou-waardekettings staar tans verskeie kritieke uitdagings in die gesig, soos knelpunte met betrekking tot 'n ongelyke handelsomgewing, agro-logistiek, waterkwaliteit, elektrisiteitstariewe, wisselkoerse, verswakkende landelike infrastruktuur, arbeidstakings en vele meer. Van die sake is op die organisasie se sakelys, sê dr. John Purchase, bestuurshoof van die LBK.

Die tema van die kongres is "Mededingende Landboubesigheid in die Wêreldgemeenskap" en verskeie kundiges is genooi om die volgende sake in te lui.

As van die knelpunte en uitdagings nie suksesvol deur alle rolspelers, insluitend die Regering, opgelos word nie, sal die mededingendheid en winsgewendheid van verskeie waardekettings toenemend verswak, soos met die koring-, katoen- en grondboonbedrywe reeds gebeur het. Nie net sal dit nasionale voedselsekuriteit in gedrang bring nie, maar dit sal die landelike omgewing verder marginaliseer. Dit is tyd dat die groter landbousektor se multi-funksionaliteit erken word, en dat die nodige belegging in die sektor volg, het Purchase gesê.

31 Mei 2010