Lof vir landboudepartement

Boere in die Suid-Kaap gaan al vir maande gebuk onder erge droogte en die Wes-Kaapse departement van landbou het R26,9 miljoen beskikbaar gestel om dié produsente te help. Agri Wes-Kaap sê hy is vol lof vir die departement se vinnige optrede in dié verband.

“Ons wil veral die Wes-Kaapse minister van landbou, mnr. Gerrit van Rensburg, die departementshoof, me. Joyene Isaacs, die direkteur: natuurlike hulpbronbestuur, mnr. Andre Roux en die ander amptenare wat behulpsaam was met hierdie proses, uit ons harte uit bedank”, sê mnr. Carl Opperman, hoof uitvoerende beampte in ‘n mediaverklaring.

11 Februarie 2010