Mazibuko skop Bosman uit landbou
Die nuwe leier van die DA in die Parlement, me. Lindiwe Mazibuko, het die gesoute landboukenner dr. Lourie Bosman as skaduminister van die Parlement se portefeuljekomitee vir landbou, bosbou en visserye verwyder.
Die DA se nuwe span skaduministers is by die Parlement bekend gemaak.
Me. Annette Steyn, wat voorheen die adjunkwoordvoerder van die DA by die portefeuljekomitee vir landelike ontwikkeling en grondhervorming was, is nou die skaduminister vir landbou, bosbou en visserye.
Voor Mazibuko die DA se leier in die Parlement geword het, was sy die skaduminister vir landelike ontwikkeling en grondhervorming. Bosman is nou die adjunkwoordvoerder vir hoëronderrig en opleiding.
In wat beskou kan word as ’n skokkende skuif, is mnr. Pieter van Dalen, voorheen die adjunkwoordvoerder van openbare ondernemings, nou die adjunkwoordvoerder vir landbou, bosbou en visserye.
Een van die goeie skuiwe wat Mazibuko gemaak het, is om haar ou pos aan mnr. Athol Trollip, wat nie net goed Xhosa kan praat nie, maar ook ’n groot passie vir landelike gebiede het, die pos as skaduminister vir landelike ontwikkeling en grondhervorming te gee. Boonop was Trollip voorheen die DA se leier in die Parlement.
Mazibuko het gesê haar nuwe skadukabinet is só gekies dat dit verandering sal aanspoor. Sy het uitgewys dat elkeen van die skadukabinetslede geplaas is waar hy/sy die beste werk sal kan doen.
1 Februarie 2012
- 1166 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
So tong in die kies...
Die mense weet nie van skaak speel nie.
As een skuif sin maak dan skuif jy.
Maak nie saak of die volgende skuif jou in skaakmat gaan plaas nie.
Maar dit is mos hoekom ons hier gebly het en nie getrek het nie...
Niks is ooit vervelig in Afrika nie.
Van Dalen het nie die landbou kennis wat die vorige twee LPs gehad het wat in die komitee gedien het nie. Mens sou dink met die groot fokus op voedselsekuriteit dat mense met kennis van die bedryf daar gesit sal word. Dit blyk nou dat Van Dalen egter meer op visserye sal fokus. Hy self is 'n kranige hengelaar. Groete Joylene
Wat maak dit n skokende skuif????????"In wat beskou kan word as ’n skokkende skuif, is mnr. Pieter van Dalen, voorheen die adjunkwoordvoerder van openbare ondernemings, nou die adjunkwoordvoerder vir landbou, bosbou en visserye."
Lewer kommentaar. (Jy hoef nie ingeteken te wees nie.)