Melktekort dalk groter

Voorlopige syfers dui daarop dat melkproduksie in Suid-Afrika tans 2,5 % laer is as wat dit verlede jaar dié tyd was, sê dr. Koos Coetzee, ekonoom van die Melkprodusente-organisasie (MPO).

Volgens hom is dit groter as die verwagte tekort en voorspel dit nog groter tekorte in die varsmelksektor. Hy meen dit sal in die volgende paar maande ook nie beter gaan nie, aangesien melkboere se winsgewendheid, ondanks beter pryse, steeds kwaai onder druk is.

Dr. Coetzee is eweneens bekommerd oor melkproduksie oor die volgende jaar, omdat mieliepryse steeds hoog is en steeds styg. Dit gaan voerkoste nog heelwat opjaag. Die stygende gaping tussen wit- en geelmieliepryse word ook ál groter, wat boere minder geel mielies kan laat plant.