Mgoqi vir bydrae vereer

Die Hoofgrondeisekommissaris, dr. Wallace Mgoqi, is op 'n spogbyeenkoms in Pretoria deur die Departement van Grondsake vereer "vir die uitmuntende wyse waarop hy bygedra het tot die departement se grondherstelprogram".

Sy leierskap het gehelp dat die tempo van die grondherstelprogram versnel het van die afhandeling van net 18 eise in 1997 tot 34 365 eise in September vanjaar, sê dr. Gilingwe Mayende, Direkteur-generaal van die departement.
Mnr. Dirk du Toit, Adjunkminister van Grondsake, het die toekenning aan dr. Mgoqi oorhandig.
20 Desember 2002