Omstrede boek ‘verkoop soos soetkoek’
Dr. André Mentz (middel) van Newcastle, skrywer van ‘n omstrede nuwe boek oor beesboerdery, by twee mede-veekundiges op die jaarlikse inligtingdag van die Oos-Vrystaatse Veldbulklub by Vrede. Van links is dr. Hannes Dreyer van Vrede, Mentz, en dr. Johan Meaker, ook van Newcastle.
Dr. André Mentz sê sy omstrede nuwe boek, Beesboerdery en Veekunde Holisties Benader, verkoop soos soetkoek.
Dit is ondanks skerp kritiek en dreigemente deur die SA Vereniging vir Veekundiges (SAVVV) dat hulle regstappe teen Mentz, ‘n geregistreerde lid, gaan neem as hy nie sy boek van die mark onttrek nie.
Mentz het onlangs die jaarlikse inligtingdag van die Oos-Vrystaatse Veldbulklub by Vrede bygewoon en sy boek daar verkoop.
(Foto hierbo: Dr. André Mentz (middel) van Newcastle, by twee mede-veekundiges op die jaarlikse inligtingdag van die Oos-Vrystaatse Veldbulklub by Vrede. Links is dr. Hannes Dreyer van Vrede en regs dr. Johan Meaker, ook van Newcastle.)
Hy het aan Landbouweekblad gesê hy het die afgelope twee en ‘n half maande, sedert die boek beskikbaar is, al meer as 250 verkoop. Boekwinkell tot so ver as uit Windhoek doen navraag, en Senwes het ‘n klomp bestel om op versoek van klante na sy takke te versprei.
Lees in Landbouweekblad van 4 September wat sprekers en bultelers op dié inligtingdag oor stoetteling, bul-seleksie en veldvleis te sê gehad het.
Landbou.com het ‘n getekende eksemplaar van Mentz se boek bekom wat in ‘n kompetisie uitgeloof word. Klik hier om aan die kompetisie deel te neem.
Die boek kos R202 (RSA-posgeld ingesluit) en kan bestel word van dr. Mentz by:
Dr. Andre Mentz
Posbus 9711
Newcastle 2956
Newcastle 2956
e-pos: amentz@crazyweb.co.za
28 Augustus 2009
- 2786 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)