‘Regering steun steeds vrye mark’
Die nasionalisering van plase is nié die amptelike standpunt van die Suid-Afrikaanse Regering nie en mnr. Julius Malema se uitsprake moet binne dié konteks gesien word.
Die Landboubesigheidskamer (LBK) het dié punt oorgedra in sy weeklikse nuusbrief.
Skokgolwe
Malema het tydens die ANC-jeugliga se onlangse kongres aangedring dat plase, banke en myne genasionaliseer moet word. Dié kommentaar het skokgolwe deur die sakewêreld gestuur.
Die LBK is ook besorg daaroor, maar sê Regering het hierdie week bevestig dat dit nie amptelike beleid is nie.
Private eienaarskap en eiendomsreg staan egter sentraal tot die die skep van waarde en voorspoed en moet deur die Regering aangemoedig word.
Vrye mark
Die LBK is gereeld in verbinding met die Regering en steun die uitbreiding van ’n vryemark-ekonomie vir Suid-Afrika en sy mense. Dié sisteem is die enigste wat mettertyd groei en ontwikkeling – veral werkskepping - teweeg sal bring, volgens die LBK.
’n Vrye mark het egter ’n sinvolle regulatoriese raamwerk nodig.
Die LBK meen alle transformasie en grondhervorming moet binne die Suid-Afrikaanse Grondwet en internasionale beginsels van onteiening plaasvind.
Die Regering sal sterk leierskap in dié saak moet toon indien hulle nie beleggersvertroue wil skaad nie.
23 Junie 2011
- 1206 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Beeld
2011-06-22 23:35
Dankie, Julius, dat dit so lekker gaan word
deur Kosie van der Merwe, ANCJL-takvoorsitter: Orania, skryf:
Liewe Julius, baie geluk met jou herverkiesing as jeugliga-leier.
Ek is egter bekommerd oor jou uitlatings oor die land en sy ekonomie.
Ek het geen probleem daarmee dat jy al die banke wil nasionaliseer nie.
Jy sal onmiddellik beheer oor die meeste grond en eiendomme kry, want omtrent al die grond word deur middel van verbande deur die banke besit.
Dit sal egter interessant wees om te sien hoe jy die banke gaan finansier om die grond/eiendomme te ontwikkel en in stand te hou. Ek skuld meer as R1 miljoen op my verband en sal dit waardeer as jy dit sal oorneem.
Ek moet jou egter inlig dat ek dan net gaan aanhou plak in my huis en ook nie verder my munisipale rekening gaan betaal nie. Ek het ’n verlengingskoord wat ek direk aan die paal buite my huis gaan koppel vir krag.
Ek dink ook dis slim om die myne te nasionaliseer. Soos jou vriende met die ander myne gedoen het, kan jy veilings hou van al die infrastruktuur en toerusting totdat daar niks oor is nie – insluitend werkgeleenthede.
Werkloosheid sal net tydelik wees, aangesien almal gaan boer op die plase wat jy gaan uitdeel. Waarmee hulle gaan boer, maak nie saak nie, solank hulle net ’n lappie grond het. Zimbabwe sal gratis al sy landbouproduk aan ons in Suid Afrika verskaf, dus sal daar geen hongersnood wees nie.
Die kolonialiste moet ook leer dat ons Suid-Afrikaners lankal nie meer hoef witvoetjie te soek by tannie Liesbet van Engeland nie.
Nog ’n vraag: as jy alles nasionaliseer het, gaan daar nog belasting betaal word? Ek wil nie hê dat onse JZ en sy baie vroue, asook al die ander politieke leiers en hul afhanklikes, sonder geld, Mercedes-Benze en BMW’s, tenders, eiendomme en ondernemings sit nie.
Baie dankie vir jou leierskap, inisiatief, insig en vasberadenheid om Suid-Afrika vir ons almal ’n lekker en eenvoudige plek te maak sonder twak soos elektrisiteit, water, paaie, geboue en ’n selfonderhoudende ekonomie.
Sterk leierskap? Die regering het geen leierskap nie. Hulle het ook duidelik gesê hulle steun dit nie NOU nie, wat beteken hulle sal dit later steun.
Lewer kommentaar. (Jy hoef nie ingeteken te wees nie.)