Rol

Die Wolforum neem al hoe meer besluite in belang van die bedryf as geheel en 'n nuwe organisatoriese kultuur is aan die ontwikkel, sê dr. Johan van Rooyen, voorsitter.

"Op die afgelope vergadering van die forum is daar in die lig hiervan ernstig debat gevoer oor die implikasies van die King-verslag oor etiese korporatiewe bestuur, die aanwending van geld, die funksionering van Cape Wools en die waarde van produksiebevordering en produsentedienste.

"Daar was ook groter fokus op die bemagtiging en ondersteuning van die opkomende boere," het hy gesê.

7 November 2003