Rooi Angusse verkoop

'n Omset van R1 091 750 is op die jaarlikse produksieveiling van mnr. Chris Purdon van Cathcart se Veejay Rooi Angus-stoetery behaal. Al die bulle is verkoop met R28 000 as die hoogste prys wat vir die bul CP 00 3098 betaal is.

Die koper was mnr. Kevin Culverwell van die Shanton-Angusstoetery van Pietermaritzburg. Die gemiddelde prys van die bulle was R14 411 stuk.

Mnr. Culverwell het ook die hoogste prys van R8 250 vir 'n koei en R12 500 vir 'n vers betaal. Verse is teen gemiddeld R8 219 stuk en koeie teen gemiddeld R7 667 stuk verkoop.

Die veiling is deur Veeboere van Queenstown aangebied.