Rooivleisbedryf het 'n plan

Die rooivleisbedryf het 'n tienjaarplan aanvaar om winsgewendheid deur die hele waardeketting te verbeter, die vraag na rooivleis te bevorder, marktoegang te verbeter en verbruikersekerheid te verhoog.

Die bedryf se oogmerk is om deurlopend genoeg rooivleis wat in die verbruiker se behoefte ten opsigte van gehalte, gesondheid en lewenstyl voorsien. Om dit oor die volgende dekade te kan doen, is 'n tienjaarplan opgestel waarin funksies en pligte bepaal en in rangorde geplaas word.

Werkgroepe gaan aangestel word om die take aan te pak en vordering sal voortdurend beoordeel word om te verseker niks loop dood nie. Die funksies van die verskillende betrokkenes is in die herstrukturering hersien. Die Rooivleisbedryfsforum moet, onder meer, die bedryf se beleid bepaal, oor strategie besluit en trustees vir die Vleisbedryfstrust benoem.

Een van die Vleisbedryfsmaatskappy (Samic) se take is om die standaarde vir verwerkte vleis te kontroleer en diensverskaffers is verantwoordelik vir, oncer meer, verbruikerskakeling en -opleiding.

Lees meer in Landbouweekblad se uitgawe van 9 Januarie 2009.

8 Januarie 2009