Menu
 


11 Mei 2011

1722 keer gelees | 0 kommentaar

Meer as 800 000 poste vir kundiges in verskeie bedrywe, insluitend die landbou, is tans vakant in Suid-Afrika.


Meer as 800 000 poste vir kundiges in verskeie bedrywe is tans vakant in Suid-Afrika. Luidens ’n berig op die webwerf Engineering News Daily het die Adcorp-groep Dinsdag (10 Mei) bekend gemaak dat tot soveel as 829 800 poste vir hoogs vaardige persone tans vakant is.

Dié tekort bestaan in senior bestuursposte, aan medici, ingenieurs, rekeningkundiges en regslui. Dit kom ook voor in hoogs tegniese poste en in die landboubedryf. Die groep bereken die ekonomie het ’n tekort aan 432 100 tegnici, 216 200 bestuurders en 178 400 professionele mense.

Te veel huishulpe

In teenstelling met dié syfers het die land ’n oorskot aan elementêre werkers en huishulpe. Tans is daar sowat 967 600 elementêre werkers en 247 400 huishulpe, wat meer is as wat die land se behoefte is.

Luidens die berig dui die jongste statistiek aan dat die land se informele sektor steeds vinniger groei as die formele sektor. Sowat 6,2 miljoen mense werk tans in die land se informele sektor.

Hoë salarisaanpassings

Die studie bewys dat mense met skaars vaardighede se salarisse aansienlik ten opsigte van inflasie aangepas is, naamlik 286,4% sedert 2000. 

Suid-Afrika het een van die wêreld se hoogste werkloosheidsyfers, met slegs 40,6% van die bevolking tussen 15 en 64 wat wel werk het.

Bron: EngineeringNews

11 Mei 2011


Kommentaar
Slegs in Afrikaans

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 15/04/14 22/04/14 %
Beesvleis A2/A3 3446c 3452c down 0.2
Speenkalf (lewend) 1719c 1726c down 0.4
Skaapvleis A2/A3 4709c 4730c down 0.4
Varkvleis (gem. prys) 2132c 2119c down -0.6
Braaikuikens 1721c 1729c down 0.5

Aandele