Safex-kursus by UV
Die departement landbou-ekonomie aan die Vrystaatse Universiteit bied op 4 September weer ‘n nuttige kursus oor die basiese werking van die SA Termynmark vir Landbouprodukte (Safex) aan.
Prof. Johan Willemse, hoof van die departement, sê die nuwe plantseisoen is om die draai, terwyl die meeste produkpryse die afgelope jaar skerp gedaal het. Saaiboere se besluitneming word bemoeilik deur verskillende boodskappe, wat wissel van dat hulle minder moet plant, tot dat hulle sogenaamde papiermielies moet koop en niks plant nie.
Die kursus is van waarde vir enigeen wat in graanproduksie en -bemarking betrokke is.
Willemse wys daarop dat al hoe meer boervroue deesdae die bemarking en prysverskansing van hul produkte behartig omdat hul mans nie bedags daarvoor tyd het nie. Dit gebeur ook in Amerika, en die vroue is dikwels suksesvoller as hul mans.
Voorts dring finansierders al hoe meer daarop aan dat vooraf oor ‘n prys- en bemarkingstrategie ooreengekom moet word, as deel van ‘n boer se finansieringsooreenkoms.
Selfs veeboere kan Safex-instrumente gebruik om hul teen stygende voergraanpryse te verskans. Dit sal ook in die kursus bespreek word.
Mense wat belang stel, kan ‘n plek bespreek by ellism.sci@ufs.ac.za, dstrydom.sci@ufs.ac.za of (051) 401 2826/7036.
‘n Handleiding sal aan kursusgangers uitgedeel word, en aan die einde van die een-dag-kursus behoort hulle ‘n goeie werkbare kennis van Safex-instrumente te hê.
26 Augustus 2009
- 2210 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)