Skuif grond by Agri Kaap-week

Grondverskuiwingsondernemings en -kontrakteurs kan hul slag op vanjaar se Agri Kaap-week wys. Dié ekspo vind van 16 tot 18 April by die Hoër Landbouskool Boland, Agter-Paarl, plaas.

Grondverskuiwingsdemonstrasies is deel van die daaglikse program en sal naby die hoofingang van die ekspoterrein plaasvind. Die demonstrasies sal 'n rooster volg en uitstallers kry geleentheid om hul produkte en dienste oor 'n mobiele klankstelsel bekend te stel.

Spesifieke demonstrasiebehoeftes sal sover moontlik tegemoet gekom word. Bel me. Cornea Geldenhuys by 028 424 2890 vir meer inligting.

12 Februarie 2009