Slenkdalkoors: Epidemie in Vrystaat

Derduisende stuks vee in die sentrale Vrystaat het gevrek in die ergste uitbreek van Slenkdalkoors in meer as vier dekades.

Onbevestigde berigte dui reeds op derduisende jong diere wat gevrek het en die verlies van lammer- en kalwer-oeste weens aborsies.

Dit is veral die distrik Bultfontein wat die afgelope weke kwaai deurloop, asook Wesselsbron, Brandfort en Jagersfontein, Dealesville en Boshof. Vevalle kom ook voor in die besproeiingsgebiede van die Suidwes-Vrystaat.

Dr. Nas Coetzee, ’n staatsveearts, sê die uitsonderlik hoë reënval vanjaar het produsente en rolspelers in die diergesondheidsbedryf onkant gevang, omdat hulle ’n droë nasomer verwag het.

Slenkdalkoors kom veral voor in nat toestande wanneer besmette larwes van muskiete in vol panne reënwater uitbroei en vee besmet deur hulle te byt. Hierna word die diere regstreeks besmet deurdat hulle blootgestel word aan geaborteerde fetusse en besmette materiaal. 

Soortgelyke toestande het in 1974 tot 1976 laas geheers.

Die vrektesyfer van kleinvee en getal aborsies word deur deur die afdeling veeartsenydienste gemonitor en kom reeds op sowat 1 400 te staan.

1 Maart 2010