Staat gekap oor waterregte

Onbehoorlike staatsinmenging met die verhandeling van waterregte is onaanvaarbaar vir Agri SA en die landbou-afvaardiging, onder leiding van mnr. Johannes Möller, Agri SA-voorsitter, het met die Departement van Waterwese en Bosbou vergader om dié se blokkering van die verhandeling van watergebruiksregte te bespreek.

Volgens Möller was hierdie gesprek dringend noodsaaklik aangesien daar tans meer as 100 gevalle landwyd is waar boere nie toegelaat word om watergebruiksregte te verhandel nie.

Hy het daarop gewys dat hierdie verhandeling, gegewe die skaarsheid van water in Suid-Afrika, vanselfsprekend nodig is om die beste ekonomiese aanwending daarvan te verseker. "Dit is ondenkbaar dat waterregte wat in die meerderheid van gevalle deur boere gekoop is, nie verkoop mag word binne die markmeganisme wat die beste aanwending daarvan sal verseker nie", het hy gesê.

Volgens Möller staan DWAF die vrye verhandeling van waterregte teen op grond van die Waterwet wat waterreghervorming vereis en meer spesifiek Artikel 27 van dié Wet wat verwys na die noodsaak om diskriminasie van die verlede reg te stel.

Möller is van mening dat die landbou se swart ekonomiese bemagtigingshandves (SEB-handves) wat in Maart vanjaar gepubliseer is, volledig met hierdie aangeleentheid kan handel en dat DWAF soos wat tans die geval is, nie hulle eie SEB-voorskrifte moet uitreik nie.

Daar kon tydens die samesprekings nie 'n volledige ooreenkoms met DWAF bereik word nie. Volgens Mnr Möller is daar egter ooreengekom oor die volgende: