Staat het plan vir oorskot mielies

Die Wêreldvoedselprogram kan een van die kopers van Suid-Afrika se mielie-oorskot van 4 miljoen ton wees, sê me. Tina Joemat-Pettersson, Minister van Landbou, Bosbou en Visserye. Die reuse verwagte oorskot druk mieliepryse tot onwinsgewende vlakke.

Joemat-Pettersson sê die Regering het besluit om in te gryp om te keer dat die oorskot mielies nie mieliepryse onder druk plaas en die winsgewendheid van die sektor ondergrawe nie. Regerings, soos dié in Egipte en Kenia, en die Voedsel- en Landbou-organisasie (VLO) is ook genader om van die oorskot te koop.

Intussen het Graan SA ook die bal aan die rol gesit om maniere te vind om van die oorskot ontslae te raak. Hy het sy eerste verkennende gesprek met die Mededingingskommissie gevoer in sy ondersoek na die haalbaarheid van ’n mielie-uitvoerpoel.

Die doel is om vas te stel of só ’n poel binne die bepalings van wetgewing bedryf sal kan word, sê dr. Kobus Laubscher, uitvoerende hoof van Graan SA.

21 April 2010