Studente strenger gekeur

Studente aan die Landboukollege Potchefstroom gaan voortaan strenger gekeur word nadat probleme ondervind is met hoë uitsaksyfers van eerstejaarstudente.

'n Keuringsbattery is saamgestel om studente wat die beste kans op welslae het, te identifiseer.

Tersiêre instellings sal toenemend op ander keuringsinstrumente, soos psigometriese toetsing, moet staatmaak omdat nie meer so sterk op matriekuitslae gesteun kan word nie, sê dr. Magriet Engelbrecht van die studente-voorligtingsdiens van die Potchefstroomse Universiteit (PUK) wat deur die kollege genader is om die hoë druipsyfer te ondersoek.

Die keuringsbattery sal studente met leer- en emosionele probleme vroegtydig identifiseer en na steundienste verwys.

23 Januarie 2004