Trekkerverkope daal steeds

Trekkerverkope van 672 eenhede in Oktober is 30% minder as die 963 eenhede wat verlede Oktober verkoop is.

Vir die jaar tot dusver is trekkerverkope nou 25% minder as wat dit vir die ooreenstemmende tydperk verlede jaar was. Stroperverkope vir Oktober is nou twee eenhede meer as in Oktober verlede jaar. Vir die ooreenstemmende tydperk vir die jaar tot dusver is stroperverkope nou byna 15% laer as vir dieselfde tydperk verlede jaar.

M,nr. Leon Pretorius, voorsitter van die SA Landboumasjinerie-assosiasie, sê fundamentele aspekte in die mark, soos rentekoerse, die relatiewe lae graanpryse en strawwe bankfinansieringsmaatreël,s bly onveranderd.

Potensiële kopers van landboutoerusting is steeds baie versigtig, ten spyte daarvan dat dit steeds tot ’n groot mate ’n kopersmark is. Vergelykings tussen die onderskeie jare word getref, veral met betrekking tot die buitengewone verkope in die laaste vier maande van verlede jaar. Die mark bly nietemin sterk en die meeste potensiële kopers wag om te kyk hoe die somerreënvalpatroon ontwikkel voordat hulle koopbesluite neem.

5 November 2009