Veldtog geloods teen Von Maltitz
’n Veldtog genaamd “Shut up Eddie von Maltitz” is deur ’n menseregte-aksiegroep in Welkom geloods. Luidens ’n berig in Volksblad is die groep Hurag vasbeslote om sy nuwe veldtog suksesvol uit te voer. Von Maltitz boer by Ficksburg en is bekend vir die omstrede uitsprake wat hy in die openbaar maak.
Die groep oorweeg dit om Von Maltitz na die gelykheidshof toe te sleep. Mnr. David Stoffel, uitvoerende voorsitter van Hurag, sê hulle wil dié hof vra om teen Vol Maltitz se “haatspraak en rassistiese en diskriminerende uitsprake” op te tree.
Stoffel sê Von Maltitz moet sy trots sluk, om verskoning vra en stilbly. “Hy hou daarvan om op swart mense te skreeu en sê vir die straatverkopers die vrugte en groente wat hulle verkoop, kom van wit boere. Hulle moet hul eie mense se produkte verkoop.”
Von Maltitz lag glo egter oor die veldtog en sê hy baklei onder meer teen korrupsie, slegte paaie en vuil drinkwater. Hy het aan die koerant gesê: “Hulle gaan my nie stop nie. Hulle sal my nooit stilmaak nie. As George Bush (gewese Amerikaanse president) my nie kon stilmaak nie, sal hulle ook nie. Ek baklei vir dieselfde doel as hulle. Die klein snotneuse is kwaad vir my plakkate.”
Bron - Volksblad
3 Februarie 2012
- 1113 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Hoekom die man stilmaak? Hy het die moed om iets te doen en sit nie stil en toekyk hoe dinge agteruitgaan in SA nie. Kom ons staan agter hom. Daar word gestoomroller oor die blanke boer in SA en as iemand iets daaroor sê is dit verkeerd. Ons voorsien in elk geval die kos op die tafels van die land.
Ek hoop jy het self gespel
ja
Ek ken Eddie persoonlik. Luister mooi wat hy se. Hy is nie teen swartmense nie, maar praat teen al die verkeerde dinge wat die ANC regering doen en verkondig. Die swartes drom om hom saam en luister wat hy se as hy in die straat loop. Sou hulle dit gedoen het as hy hulle te nakom? Nee, hulle respekteer hom eerder as ons ander wat net toebek toekyk. Ten minste probeer hy iets doen. Hou aan Eddie !!!
Eddie Von Maltitz, hou so voort. Ons is trots op jou en dankbaar vir wat jy doen . Ek ken jou omtrent my lewe lank en staan agter jou, voorspeod en sterkte.
Lewer kommentaar. (Jy hoef nie ingeteken te wees nie.)