Veritas-wenwyne te proe

Wynliefhebbers kan Suid-Afrika se spogwyne proe en met die bekroonde wynmakers oor hul suksesresep gesels.

Die eerste proegeleentheid van wyne wat met dubbelgoue en goue Veritas-medaljes spog, is op 13 Oktober van 17:00 tot 21:00 in die Holiday Inn in Strandstraat, Kaapstad. Op 28 Oktober wag daar 'n dubbeldosis-wynproeplesier op wynliefhebbers in Johannesburg. Die Veritas-wenwyne word van 17:00 tot 21:00 met die samewerking van WineX by die Sandtonse konferensiesentrum aangebied.

Toegang vir die Kaapse proe is R80 en vir die gekombineerde Veritas/WineX-wynproe in Johannesburg R140, maar om net die Veritas-wyne te proe, kos R90. Die toegangsgeld sluit 'n wynproeglas, sakboekie met vanjaar se volledige Veritas-uitslae en versnaperinge in.

Bespreek vroegtydig by Computicket, of besoek die webwerf www.computicket.com.

Bel Elsabé Ferreira, tel. 021 807 3104 of stuur 'n faks aan 021 863 2079. Haar e-posadres is ferreira@vinpro.co.za vir meer inligting of besoek die Veritas-webtuiste by www.veritas.co.za.