Verskuiwing van wild bespreek

Konsepwetgewing oor die verskuiwing van wild is een van die onderwerpe wat op Landbouweekblad se werksessie oor wildboerdery bespreek sal word. Dit word op 14 en 15 Mei by die Saasveld-kampus van die PE Technikon by George gehou.

Dr. Kas Hamman, direkteur van biodiversiteit by die Wes-Kaapse Natuurbewaringsraad, sal hierdie netelige kwessie wat die bedryf landwyd ingrypend kan raak, toelig en vrae beantwoord. Wildboere moet dus nie hierdie werksessie misloop nie.

Ander onderwerpe sal deur onder andere prof. Koos Bothma, direkteur van die sentrum vir natuurlewebestuur aan die Universiteit van Pretoria, en prof. Leatitia Radder, hooflektor in die departement van bemarking aan die PE Technikon, behandel word.

Die koste van die werksessie is R550 per persoon en sluit verversings en etes in.

Navrae en besprekings: Gert Erasmus, tel./faks 044 870 0161, of e-pos: gterasmus@absamail.co.za.