Voedingskundige vermoor in plaasaanval
’n Boer en voedingskundige van Mpumalanga is gisteraand (22 Januarie 2012) doodgeskiet in waarskynlik die vierde plaasmoord vanjaar.
Mnr. Francois du Toit, wat as voedingskundige by Alzu Voere gewerk het, is op die plaas Kwalata naby Roossenekal in Mpumalanga aangeval. Mnr. Henk den Graaf, woordvoerder vir die TLU SA, sê Du Toit het sy honde op die plaas hoor blaf en gaan ondersoek instel. Hy is glo geskiet pas nadat hy die voordeur oopgemaak het.
Volgens ’n kollega van Du Toit by Alzu Voere wat nie sy naam genoem wil hê nie, was daar vermoedelik drie aanvallers by die plaasmoord betrokke. Hulle het Du Toit se vrou en kinders vasgebind en met vuurwapens en selfone in twee van die egpaar se voertuie gevlug. Die voertuie is later op die plaas teruggevind.
Geweldige slag
Volgens dié kollega was Du Toit ’n gewaardeerde kollega en is sy dood ’n geweldige slag vir die maatskappy. Intussen sê Van den Graaf dat die TLU SA baie bekommerd is oor die aantal plaasmoorde en -aanvalle wat tot dusver vanjaar plaasgevind het.
“Daar was sover vier plaasmoorde en vyf aanvalle volgens ons rekord. Drie van die plaasmoorde was in Noordwes en nou dié een in Mpumalanga. Dit is baie kommerwekkend. As die res van die jaar teen dieselfde trant voortgaan, gaan dit ’n swart en bloederige jaar wees,” sê Van den Graaf.
Die Suid-Afrikaanse Polisiediens kon nog nie bereik word vir kommentaar nie.
23 Januarie 2012
- 2202 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Ons diepste hartseer aan Alzu en Francois se mense.mag julle die krag vind om voort te gaan.Ja ons is christene maar wanneer gaan ons ophou om die ander wang te draai? Francois en ander soos hy verdien dit nie! Dit is tyd dat ons opstaan en rug styf maak!
Die straf wat aan plaasmoorde en aanvalle gekoppel word dien nie as afskrikking nie-na goeie gedrag en 'n kort gevangenisstraf is parool die maklikste manier om dit weer te doen en weer die pap te eet wat die boer wat hy vermoor het geproduseer het-sonder om daarvoor te betaal.
Die regering so blatante onvermoe om plaasaanvalle en algemene wet en orde te handhaaf is eintli, skokkend! Die regering is rugraatloos en in alle afdelings net eenvoudig pateties. Die probleem is die algemene ondersteuner weet nie beter nie. Ons sit en wag.....maar doen bogger-all! Ons skryf die een verslag en rapport maar dit is waar dit eindig. Kyk bv . Na die renoster sage dit is n verdere toonbeeld dat hille nie in beheer van sake is nie. Korupte klomp etters!
Doodstraf!!?? Hier is te veel onreabiliteerbare BARBARE in Suid Afrika.
Dit slaan mydronk dat in die hele grote rsa daar nie genoeg breinkrag is om hierdie absolute onmenslike en christelik onaanvaarbare toedrag van sake met wortel en tak uit te roei nie.Ek het drie seuns en 'n dogter en ek het hulle dissipline geleer en vandag pluk ek en my vrou die wonderlikste vrugte daarvan,ek kan maar net vertrou dat GOD ons mooi land in sy uur van nood sal aansien en sal sorg vir die regte man op die regte tyd
Hang die gemors !!!!!!!
Francois, ons gaan jou mis. En die industrie en die boere nog meer. Aan Francois se gesin en familie: mag God julle weer heel maak en mag julle vrede vind...
Dis baie hartseer wat besig is om te gebeur in hierdie mooi land van ons. Ek weet nie meer wat om te dink of te se nie...
Plaas moorde gaan SA nog duur kos dit is die enigste industrie waaraan mens n land se gesondheid kan toets, die probleem le nie by die polisie nie meeste plaas moorde word opgelos,en skuldiges gaan tronk toe, Skryf bietjie julle voorstelle oor wat gedoen moet (kan) word,
God seën jou familie Kiepie. Jy gaan geweldig gemis word. Was goed om jou te ken. Van Benoni & Brandwag Hoërskool
Lewer kommentaar. (Jy hoef nie ingeteken te wees nie.)