Von Abo verloor in Appèlhof
Die Appèlhof het bevind dat die Suid-Afrikaanse Regering nie verantwoordelik gehou kan word vir mnr. Crawford von Abo, ’n Suid-Afrikaanse boer wat weens grondhervorming in Zimbabwe alles verloor het nie.
Luidens ’n berig op News24.com het die Appèlhof ’n vorige bevinding deur die Gautengse Hooggeregshof ter syde gestel en gesê dié hof het foute gemaak in sy uitspraak.
Die Hooggeregshof het verlede jaar bevind dat die staat verantwoordelik gehou moet word vir Von Abo se verliese in Zimbabwe, wat 14 plase en al die infrastruktuur en masjienerie wat op die plase was, ingesluit het.
50 jaar
Von Abo het oor ’n tydperk van 50 jaar sy boerdery op die plase opgebou, maar hy is sonder ’n sent gelaat nadat hy die plase weens grondbesettings verloor het.
Die Appèlhof het bevind dat hoewel die Suid-Afrikaanse Regering se reaksie op Von Abo se versoek om beskerming en hulp nie van pas was nie, kan die Regering nie vir finansiële vergoeding verantwoordelik gehou word nie.
Sedert 2008 het Von Abo die Suid-Afrikaanse Regering probeer kry om diplomatieke stappe te doen vir die ontkenning van sy regte in Zimbabwe.
Bron: News24.com
5 April 2011
- 1039 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
die regering kan mos nie pa staan as jy in 'n ander land wil boer nie.die hofsaak was eintlik verregaande hoewel dit baie jammer is vir Mnr Von Abo
Heeltemal tereg ook. Daar kan nie van ons belasting betalers verwag word om hierdie tipe van skade te dra nie. Die regering is wel verantwoordelik vir sy burgers se veiligheid in ander lande.
SC
Lewer kommentaar. (Jy hoef nie ingeteken te wees nie.)