Wapens: Swart eienaars dagvaar staat
Die Swart Vuurwapeneienaarsvereniging sê hy gaan die Regering vir R3,2 miljard dagvaar weens die erge werksverliese wat die vuurwapenbedryf sedert die bekragtiging van die nuwe Vuurwapenwet in 2004 gely het.
Luidens ‘n berig op Timeslive.co.za het 800 vuurwapenwinkels sedert 2004 hul deure gesluit en 10 000 mense het hul werk verloor.
Mnr. Abios Khoele, voorsitter van die vereniging, sê meer as 40 000 swart mense is ook sedert 2004 wapenlisensies geweier. “Die Regering is vasberade om swart mense te ontwapen want daar’s so baie onvervulde beloftes gemaak. Hulle is bang swart mense sal teen die Regering draai as hulle bewapen is,” sê hy.
Khoele meen ook dat die staat teen sy eie beleid van werkskepping werk aangesien nog mense hul werk sal verloor wanneer die oorblywende 200 vuurwapenwinkels in Suid-Afrika hul deure moet sluit, lui ‘n berig op Ecr.co.za.
Dié berig noem ook dat weierings van vuurwapenlisensies in 2004 71% was terwyl dit vanjaar reeds 98% is.
“In briewe wat aansoekers ontvang wanneer hul vuurwapenlisensies afgekeer word, sê die Regering hulle moet ander maniere vind om hulself te beskerm. Ons, as ‘n organisasie, wil hê die staat moet dié “ander maniere” verduidelik want misdadigers is bewapen daar buite en val mense op ‘n daaglikse basis aan,” sê Khoele.
Onthou om SA Hunter/Jagter se aanlyn opname oor vuurwapenlisensies in te vul.
Bron:
19 Julie 2010
- 2177 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Ek was geskok gewees toe ek hoor dat SAPD deesdae nie meer inspeksie doen nie en dat hulle foto's vra van jou wapenkluis by die huis wanneer jy jou lisensie wil hernu.
Hoe kan 'n foto dan wettig wees??
As jy dalk op jou aansoek by rede invul dat jy iemand wil vermoor, kry jy dalk lisensie. As 'n professionele jagter nie eers 'n lisensie kan kry nie, hoe wil 'n gewone burger dit regkry vir selfverdediging.
Ek hoop en vertrou dat almal nou deur die regering se verskuilde agenda kan sien, daar is n plan, al wat hulle nog nie weet nie is dat daar nie noodwendig n skoot geskiet gaan word wanneer iemand teen die regering wil draai nie, dit is n kwessie van tyd, dat hulle, hulle eie gat grawe waarin hulle gaan val, dit is verseker!!!
Die komitee wat lisensies moet goedkeur is onbevoeg vir die werk. Ek het my 375 H&H aan my seun geskenk. Hy is 'n professionele jagter met toegewyde jagter status wat buitelanders uit neem vir jag, beskik oor geen ander wapen nie, dan word sy aansoek afgekeur met die opmerking dat daar nie voldoende rede is vir die aanskaf van die wapen nie.
Lewer kommentaar. (Jy hoef nie ingeteken te wees nie.)