Warm debat by Agri Megaweek

Agri Megaweek bied vanjaar weer ‘n hele reeks besprekings en debatte rakende die landbou en verwante bedrywe en die koue, nat weer in Bredasdorp stuit deelnemers  nie.

Dié byeenkoms het sy tweede suksesvolle konferensie vir opkomende boere gehou en insigewende bydrae is deur mnre. Terrence Fife van Casidra en Dudley Adolph van die Wes-Kaapse departement van landbou gelewer. Me. Joydene Isaacs, ook van die departement het aan die bespreking deelgeneem onder die leiding van mnr. Trevor Abrahams, ondervoorsitter van die United South African Agricultural Association (USAAA).

Graan SA se graandebat onder leiding van dié organisasie se hoofbestuurder, dr. Kobus Laubscher, het kwessies soos voedselsekuriteit, grondhervorming en swart ekonomiese bemagtiging aangespreek. Suid-Afrika se status as netto-invoerder van graan was ook onder die loep.

Die jaarlikse garswerkswinkel, suiweldebat en uitsending van die RSG-program “Praat saam” bied nóg geleenthede vir deelnemers om hul sê te sê.

18 September 2009