WTA-lid in hof oor renosterhorings
Die SA Wildhervestigingsvereniging van Suid-Afrika (WTA) is baie ontsteld oor een van sy lede wat in hegtenis geneem is vir beweerde handel in renosterhorings.
Luidens ‘n verklaring het mnr. Coena Smith, lid van die organisasie, onlangs in die hof verskyn op ‘n klag van handeldryf in renosterhoring. Hy is van Modimolle (Nylstroom) afkomstig.
Die organisasie sal Smith se saak fyn dophou en indien hy skuldig bevind word, sal daar teen hom opgetree word. Smith is op R25 000 borgtog vrygelaat, en verskyn weer op 28 Mei in die hof.
Wildstropery onaanvaarbaar
Mnr. Jan van Vuuren, voorsitter van die WTA, sê sy organisasie is totaal gekant teen enige renosterstropery en die verkoop van renosterhorings en ander produkte in Suid-Afrika of buite die land se grense.
“Die WTA bied ook sy steun in die veldtog om hierdie wanpraktyke te bestry en diegene wat hulle hieraan skuldig maak en/of betrokke is by sulke wandade, vas te vat en aan die kaak te stel,” sê Van Vuuren.
15 April 2010
- 2144 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Baie dankie vir die plasing van hierdie berig.
Kan julle nie dalk ook 'n artikel doen oor die renosterslagring wat die afgelope 2.5 jaar aan die gang is nie. Al het dit net ten doel om bewustheid te skep en mense te veroek om met enige inligting vorendag te kom.
Noem asseblief die volgende sosiale netwerk inisiatiewe op die internet: 'Protect the Rhino' cause en facbook groep.
Hier is die adresse: http://www.causes.com/causes/204377 en http://www.facebook.com/group.php?gid=36954076669
Baie dankie vir julle oorweging.
Dankie vir hierdie verklaring. Mense wat, soos Coena Smit miskien, stropers help om renosters by te kom of die horings landuit te smokkel, verdien baie swaar strawwe en ons absolute weersin en afkeer.
Lewer kommentaar. (Jy hoef nie ingeteken te wees nie.)