Zim: Regering kan nog nie help
Die Suid-Afrikaanse Regering sê hy kan niks doen om sy burgers in Zimbabwe te beskerm nie totdat ’n ooreenkoms vir die beskerming van beleggings (Bippa) met dié land deur albei parlemente bekragtig is nie.
Dr. Rob Davies, Minister van Handel en Nywerheid, het aan landbou.com gesê die Regering het “geen instrument” wat ingryping moontlik maak nie en wag vir die bekragtiging van die Bippa, wat nog na die Parlement verwys moet word.
Dít kan maande duur en intussen blyk die Zimbabwiese regering sy aanslag op wit boere te verskerp het. Volgens ’n woordvoerder van dié regering is hy van plan om alle wit boere uit Zimbabwe te verjaag en selfs die weermag daarvoor te gebruik, sê mnr. Willie Spies, regsverteenwoordiger van AfriForum.
AfriForum het in die Noord-Gautengse Hooggeregshof geslaag met ’n aansoek om met ’n regsproses teen Zimbabwe te begin wat daarop gemik is om ’n uitspraak van die SAOG-tribunaal in Suid-Afrika af te dwing.
14 Januarie 2010
- 1755 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Pas gelees
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Die enigste gevolgtrekking waartoe mens kan kom is dat ons eie regering, met al sy eie verskuilde agendas, in elk geval nie die vermoe, of die wil, of die moed, of die voorneme het om die belange van sy eie burgers daar te beskerm nie. Die belange van sekere sektore van sy burgers word nie eens in hul eie land beskerm nie! Miskien moet die regering net besef dat 'n baie groot persentasie van die land se burgers nie naief is nie, en ophou om belaglike verskonings vir baie sake voor te hou. Dit dui op lamsakkige lafhartigheid. Tyd dat hulle oop kaarte begin speel.
Lewer kommentaar. (Jy hoef nie ingeteken te wees nie.)