Zuma wil skik oor Lesotho-grens
Pres. Jacob Zuma en die Regering wil ’n skikking met Vrystaat Landbou bereik oor die sage met die Lesotho-grens. Mnr. Louw Steytler, voorsitter van Vrystaat Landbou, sê hulle en hul regspan (onder leiding van advokaat George Bizos) het pas met staatsadvokate oor die hofsaak beraadslaag.
Die hofsaak is deur Vrystaat Landbou namens ’n groep grensboere aanhangig gemaak. Die doel is om die Regering te dwing om Suid-Afrikaners op plase aan die Lesotho-grens se veiligheid te verseker. Zuma is die eerste respondent.
“Ons het ’n duidelike boodskap aan die staatsadvokate oorgedra dat ons bereid is om Grondwethof toe te gaan as die grensboere se regte nie beskerm word nie,” het Steytler oor die jongste beraadslagings gesê. “Zuma en sy regering was daar verteenwoordig. Hulle het ons duidelik laat verstaan dat hulle ’n skikking soek, gegrond op daardie mense se veiligheid en sekuriteit.”
Lees meer in Landbouweekblad se uitgawe van 30 Oktober 2009.
23 Oktober 2009
- 1757 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
ag, kry net end.
Iemand wat nie fisies op die grens bly nie, het nie 'n idee waaroor dit gaan nie. Ons bly teen die grens, diefstal, dreigemente vir jou lewe en intimidasie is aan die orde van die dag! Die buurland (en eie mense op die plaas wat ook maar basoetoes is) het geen respek vir jou eiendom of privaatheid nie. Nie eens te praat van veiligheid nie. Geen mens kan onder die huidige ekonomiese toestande vooruit boer sonder om jou gat te sien teen die spoed wat jou vee en brandstof ens gesteel word nie. As die regering nie drasties gaan reageer nie, gaan baie boere op straat sit. Ons hoop vir goeie skikking en samewerking van die staat se kant af.
Ek wonder of dit die saak van die KZN boere wat op die Lesothu grens boer ook gaan vergemaklik.
Lewer kommentaar. (Jy hoef nie ingeteken te wees nie.)