Dis nie nodig om kommersiele waarde aan renoster horing te koppel nie omdat dit klaar kommersiele waarde het.Dit is slegs nodig om die handel daarin te wettig omdat daar klaar 'n mark is. Perlemoen word byvoorbeeld bedreig ten spyte daarvan is daar wettige kwotas waarvan die inkomste bydra tot die bewaring en voortbestaan van perlemoene. Die aanslag op ons renosters word gedryf deur 'n mark aanvraag, wat nie bevredig word deur 'n wettige aanbod van renosterhorings nie.'n Tipiese vraag en aanbod scenario.Die geld in die hande van die (onwettige klient)is meer as die in die hande van die bewaarders.Stropers het meer geldelike hulpbronne as die bewaarders. Dis maklik om te sien waar dit gaan eindig.Verder dikteer die konsep van vraag en aanbod dat die prys van renosterhoring gaan aanhou klim solank die aanbod klein en onwettig bly. Bewaarders veral private eienaars het reeds nie genoeg finansiele hulpbronne om hulle renosters te beskerm nie daarom raak private eienaars van hulle renosters ontslae wat die voortbestaan van renosters 'n verdere knou gee. Indien handel in renoster horing wettig was sou beide private eienaars en Nasionale Parke markverwante pryse vir hulle diere en horings op'n oop mark kon kry. Maak dit nou saak waarvoor dit gebruik word, solank daar 'n markverwante prys voor betaal word.Deur renosterboerdery 'n finansiele lewensvatbare bedryf te maak sal die voortbestaan van renosters verseker word. Die alternatief van 'n vrye mark sal wees dat die staat renoster eienaars moet subsidieer op gelyke vlak as wat hulle in 'n vrye mark sou kry om ons erfenis te beskerm. Dan is daar diegene wat jagters beskuldig daarvan dat hulle net links en regs doodskiet en verantwoordelik is vir bedreiging van die renoster se voortbestaan.In die Kruger Wildtuin word dit uitdun genoem wanneer Olifante doodgeskiet word om getalle te beheer en nie jag nie. Vir dieselfde rede is die stroop van renosters nie jag nie. In ons tyd is die term jag iets wat 'n aktiwiteit beskryf wat wettig en volhoubaar as 'n instrument van bewaring tydens 'n tipe vakansie of as 'n soort beoefen word.Daarom is dit 'n mistasting wanneer die pers of enige iemand anders berig renosters is deur onwettige jagters doodgeskiet. Die oomblik wanneer jag onwettig is is dit nie meer jag nie maar stroop. Die oomblik wanneer sex onwettig is is dit verkragting of molestering, daar bestaan nie iets soos onwettige sex nie. Dan is daar die kwessie van "life cut" renoster horings wat 'n beter prys kry as die van diere wat reeds dood was met die verwydering van die horing.In Suid Afrika waar die handel in mense organe vir muti miljoene der miljoene in 'n jaar beloop behoort die owerhede te verstaan hoekom "live cut" gesog is. Net soos likkewaan vet en Uil vere geen medisinale waarde het nie glo die grootste deel van ons bevolking steeds dat dit wel van medisinale waarde is.Wanneer muti geoes word van 'n mens of dier word geglo dat dit geen krag het wanneer 'n slagoffer reeds dood is nie.Dit gaan oor meer as net die orgaan, 'n stukkie van die slagoffer se siel moet saam met die orgaan geoes word om dit krag te gee. Dit geld ook vir renoster horings. Die seksuele simboliek van die horing wat die manlike orgaan simboliseer is sterker indien die renoster horing lewendig geoes word.Dit is niks anders as Oosterse muti nie. Vir die rede gaan reklame veral die wat renoster slagtings se brutaliteit grafies uitbeeld eerder die Oosterse gebruikers daarvan oortuig dat hulle renoster horings "live cut" is maw presies is wat hulle wil he. Omdat horings wat wettig van lewende diere onder beheerde omstandighede geoes word as "live cut" verhandel kan word is die finansiele geleenthede vir Suid Afrika enorm. Dit kan 'n groot belasting inkomste sowel as baie werk in die bewarings bedryf skep wat die voortbestaan van die renoster sal verseker.