Die ikoon van Australiese landboumaatskappye, Elders, is diep in die skuld en kan sy deure ná 175 jaar sluit.

Elders se skuld beloop 373 miljoen Australiese dollar, of sowat R3,3 miljard. Weens die skuldlas gaan Elders die meeste van sy divisies verkoop.

Elders het 216 handelstakke in landelike Australië, waar sowat 2400 poste boonop in die gedrang kan kom.

Die voorsitter van Elders, mnr. Malcolm Jackman, het erken dat min van die maatskappy sal oorbly nadat die takke op die platteland, asook die motor- en bosbou-divisies, verkoop is. Hy sê Elders is van die blywendste handelsmerke in die Australiese geskiedenis, en dat hyself, met die verkoop van die Elders-bates, sy eie pos prysgee.

Jackman het laat blyk dat die landbousektor vinnig aan die konsolideer is, en dat dit van groot internasionale belang is.

Gerugte van oornames van Elders deur ander maatskappye doen die rondte, maar besonderhede daaroor is vaag.

Bron: The Land

Bron: Agrimoney